Дејствието на овој роман е сместено кон крајот на XV век во Фиренца. Со градот владее злогласниот проповедник Савонарола кој му бил образец на самиот Макијавели. Големиот дар зема данок во сите времиња и во кое било општествено уредување. Во амбиент што не дозволува изразување на индивидуалноста, а слободоумието се казнува најстрого, ја следиме судбината на жената надарена за уметност и желна за научните и филозофски вистини. Духот на ренесансата е жеден за слобода и творештво нешто што не постои без да се преминат вообичаените норми и смелото изнесување на најразлични општествени девијации. Приказната е проткаена со еротика и со сложени љубовни односи и наедно со чисто чувство на мајчинство - а сето тоа е сместено меѓу две сцени на умирање. Ова е. исто така, и брилијантна детективска приказна за Александра и нејзината љубовна врска со сликарот кој, поради неговата опседнатост со човечките тела, ќе биде осомничен за серија сурови убиства.

  Септември 1939. Светот на деветнаесетгодишната еврејка Ема Бау и се испревртува преку ноќ кога Германија ја окупира Полска. И, по само шест седмици брак, нејзиниот сопруг Јаков, член на Движењето на отпорот, е принуден да напушти.
  Бегајќи од гетото, Ема присвојува нов, христијански идентитет и наоѓа работа во штабот на нацистите. Како секретарка на харизматичниот командант Рихвалдер, Ема се заветува дека по секоја цена ќе ја искористи својата единствена позиција да собере информации за отпорот.
  Прониклива, возбудлива и продуховена. "Девојката на командантот" е прекрасно напишана приказна за борбата на една жена да ги преживее најтемните периоди на човечката историја.

  Ова е приказна за монструозно генијалниот Хитоши, вистинска личност, до сега најголемиот јапонски криминалец кој меѓу 1918 и 1945 година сторил ретко сурово убиство. Паралелно со оваа мистериозна приказна за исклучителниот професор по логика на Царскиот универзитет во Токио, со романсирани детали за неговата соработка со јапонската тајна воена служба, приказната го следи распадот на кланот Сога, крволочниот ред самураи и министри од 7 век од новата ера во царска Јапонија. Врската меѓу овие историски приказни, се разбира, е Сога Хитоши.

  Светот на класичната музика го потресува вистинска револуција кога познатиот диригент Роналд Томас ќе ја изведе на приватен концерт наводната реконструкција на првиот став на митската Десетта симфонија на Лудвиг Ван Бетовен. Еден од гостите на тој настан, младиот музиколог Даниел Пенијагва, почнува да се сомнева: можеби Бетовеновата Десетта симфонија навистина постои и сега е во рацете на Томас? Можеби генијот од Бон го победил поклетството на Десеттата симфонија, според кое сите композитори умираат откако ќе ја напишат.

  По суровото убиство, започнува опасна игра во која, покрај Даниел, се вмешани и една жена судија, итриот детектив за убиства и разни други моќни организации чии членови се влијателни бизнисмени и потомци на Наполеон. Сите тие се борат да го најдат светиот грал на класичната музика.

  Никој од нив не знае дека одговорот на нивните прашања се наоѓа во контроверзното минато на Бетовен и во неговата забранета љубов што останала неоткриена до денес.

  "Еднаш во животот", времето во секој од животите, затоа што ова навистина е роман за животот, има две димензии. Секоја страница е полна со плипот чувства, радост, тага, неверување, смеа и солзи. А, времето минува и повторно помирување, прифаќање, разбирање. Секој од нас некогаш помислил дека се наоѓа на погрешната страна од своите години. Марсела Шмит е секој од нас. Ингрид Фицџералд ја негува својата љубов за семејството. Да, секој од нас е Ингрид Фицџералд, некои од нас се и Дејвид Кени, или можеби Натали. Тоа е волшебноста на овој роман. Секој од нас се наоѓа во животните приказни на главните ликови. Сепак, посакувам сите да сме Стар Блустоун, бидејќи таков сложен и силен, а сепак, истовремено нежен и кршлив карактер не се среќава многу во романите. Трогателна, а весела, позитивна приказна полна со надеж и светлина, приткаена со секојдневие, а сепак различна, полна со чувства, ама истовремено едноставна.

  Таткото на Франческа е познат сликар во Амстердам, забрзан град и пристаниште; исто така е и коцкар. Иако семејството има парични проблеми, лекциите што ги научила Франческа во ателјето на татко си ја подготвиле за школувањето кај делфтскиот сликар Јоханес Вермер. На почетокот на школувањето, Франческа е вчудоневидена од правилата, напишани од рака на татко и, кои налагале да се откаже од слободата во која уживала некогаш во својот дом - вклучувајќи го и пријателството со  Питер ван Дорне, одгледувач на лалиња. Несвесна за ужасната состојба со која татко и ја запечатил нејзината судбина, Франческа се повеќе се вљубува во Питер и истовремено учи да слика како Вермер, нанесувајќи слоеви светлина. Додека нејзиниот талент буи, "Лаломанијата" ја преплавува земјата, и се случува само една луковица на некои да им донесе цело богатство. Во она што на почетокот му изгледало како благослов, Питер ја открива сета големина на предавството на татко и на Франческа. И додека тие двајцата ја дознаваат вистинската природа на пречките на заедничкиот пат, покровителот на татко и на Франческа решава да направи се што е во неговата моќ за да ја спречи да ги помине границите што и ги одредил тој.

  Уметноста, љубовта, музиката, политичките сплетки, злосторницте, јунците, шпионите, убавината и несреќата се испреплетуваат во изворедната приказна на Розалинд Лејкер која оживува еден од највозбудливите периоди од холандската историја. Ова е роман што не се испушта од раце, што е впечатлив и незаборавен како и Вермеровата слика, сместен  во седумнаесеттиот век и во златното време на Рембрант и Вермер.

  Раснејќи во богато семејство во Мосул, Лејла ал-Гани сонува да се запише на Универзитет и да стане лекар. Потоа, војната доаѓа и во Ирак и семејството на Лејла, некогаш модерно и прогресивно, во обидите да преживее, станува ултраконзервативно.
  Додека блиндирани Хамери трештат низ улиците на Мосул. Лејла им се спротиставува на своите родители и тајно ја прифаќа работата како преведувач во американската база. Искуствата и ги прошируваат погледите на Лејла во врска со убавиот капетан кој можеби е вмешан во насилнички акции ќе ја стави на проба нејзината лојалност и може да ја чини Лејла дури и живот.

  Најновата приказна Кејлеб Кар ја започнува со шифрирана телеграма која Шерлок Холмс ја добива од својот брат Мајкрофт. Славниот детектив му открива на докторот Вотсон дека е повикан во Шкотска, за помош на кралицата Викторија. Тие тргнуваат со брз воз на север; откако за малку ја избегнуваат смртта по пат, им се придружува Мајкрофт и ги известува за суровите убиства на познатиот архитект и неговиот надзорник за време на подготовките за обнова на крилата на славната и злокобна палата Холирудхаус во Единбург.
  Мајкрофт бара помош од својот брат во расветлувањето на овие убиства кои можеби се далеку посложен и поопасен заговор против животот на кралицата. Но, околностите на смртта на овие двајца несреќници го повикуваат сеќавањето на уште едно страшно убиство извршено во Холирудхаус - на убиството на "Италијанскиот секретар", Давид Рицио. Холмс го вознемирува Вотсон со навестувањето дека можеби одмаздољубивиот дух на италијанскиот секретар ги одзел овие два живота за да ги казни сите оние кои го нарушуваат мирот на неговото вечно престојувалиште. Дали овие две убиства се само совпаѓање? Дали стварните политички соперништва повторно ги подигнале своите отровни глави? Или италијанскиот секретар навистина ја врши својата морничава одмазда?

  Питер Хаскел, претседател на голема фармаколошка компанија, има се: моќ, позиција и семејство за кое тој жртвувал многу нешта.
  Оливија Тачер е жената на познат сенатор, која дала се за амбициите и кариерата на својот сопруг. Таа е заробена во мрежа од должности и обврски, мажена за човек кој некогаш го љубела и кој повеќе не го познава; кога ќе умре нејзиниот син, дел од Оливија, исто така ќе умре.
  Една вечер, кога ќе има дојава за бомба, Оливија и Питер случајно ќе се сретнат во Париз. Нивните животи ќе се приближат во еден магичен момент на Плоштадот Вендом, а во едно кафуле на Монмартр нивните срца ќе се отворат. Питер, некога ш сигурен во својот брак и успех, соочен е со ризикот во неговата професионална кариера - Оливија, несигурна во се, знае дека не може да продолжи понатаму. Кога исчезнува Оливија, единствено Питер се сомнева дека не е тоа лажна игра и тој мора повторно да ја најде. Но, каде би оделе оттаму? Пет денови во Париз е се што имаат.

  Годината е 1506-та. Страв и сомнеж владеат по лисабонските улици откако Абрахам Зарко е пронајден мртов, а покрај него и една гола девојка. Абрахам е познат кабалист, упатен во тајните на еврејската традиција, во време кога португалските Евреи биле присилени да се покрстуваат. Берекија, надарен млад илуминатор на ракописи, го истражува убиството на својот вујко и во кабалата ги открива трагите кои ќе го одведат до лавиринтот од тајни каде Евреите се кријат од своите прогонители.

  Розмари Фел е родена под среќна ѕвезда. Богата е, има влијателни пријатели и згоден свршеник, Филип Олсоп. Најпосле има се што сака. А потоа, една зимска вечер, среќава на улица една сиромашна девојка, измрзната и накисната. Во налет на великодушност, Розмари ја поканува Елинор Смит кај себе на чај. Елинор и Филип се среќаваат и разменуваат еден единствен поглед. Розмари, на која нема да и се провлече значењето на тој поглед, набрзина ја испраќа непознатата од куќата, но она што се случило не може да се поништи. Навидум невината средба ќе порасне во бурен и мачен љубовен триаголник - се додека животите на тројцата учесници не бидат зафатени од страшен виор.

  Банког, првата станица во Индокина за ордите млади Европејци со ранци.
  Во првата ноќ по доаѓањето во земјата на туристите, во евтино ноќевалиште, Ричард запознава еден таинствен патник кој, пред да си ги пресече вените, му дава внимателно нацртана мапа што води до легендарната Плажа, плажа за која меѓу младите патници низ Тајланд кружат чудесни приказни. Тоа е таен островски рај, скриена лагуна со бел песок и корални градини, водопади во срцето на џунглата, растенија недопрени илјадници години. Тоа е последното прибежиште пред налетот на цивилизацијата и таму живее во блажена изолација заедница избрани луѓе. Ричард тргнува во потрага по авантура, но открива дека плажата не е она што го замислувал. Наоѓањето на рајот има своја цена.

  "Математичките гении се воздигнати и необични колку што се и ретки. Том Петсинис убедливо ги обновил животот и интелектуалната аура на брилијантниот и ранлив Еварист Галоа во еден од најтурбулентните мигови во француската историја, со крајна едноставност успевајќи да раскаже приказна кој по самата свој природа е романтично живописна"
                                                           ... Гај Девенпорт

  1939. Ејми има само осумнаесет години кога ќе го сретне Барни и тие страсно ќе се вљубат. Нивната романса и хармоничен брак беа еднакви со рајот - и тогаш избувна војната. Барни доброволно се пријави да војува и, откако заврши војната, тој се врати во Ливерпул каде што се смени. Но, што беше тоа што ја натера Ејми да си го убие саканиот сопруг и што се случи со нивната петгодишна ќеркичка Перл?
  1971. Ејми беше ослободена од затвор. Но, нејзината слобода ги проемни животите на сите-особено на Перл. Сега дваесет и петгодишната , израсната во многу среќно семејство, покрај нејзината вујна, без да знае каква тајна се крие во нејзиното минато. Кога ќе ја дознае вистината ќе биде шокирана од семејната трагедија.

  Кендра се враќа од Австралија во Англија, изнајмува стан од Кајл, разведен татко на две деца, се вработува и почнува нов живот. Близнаците на Кајл сакаат Кендра да им биде мајка, најмногу поради тоа што им дозволува да јадат колачиња за појадок.
  Токму кога ќе помисли дека успеала да живее како што сака, наидува на човекот со кого чува ужасна тајна. Нејзиниот живот се распаѓа... Единствен начин да се извлече е да ја признае страшната грешка која ја направила пред многу години, но се заколнала дека никогаш нема да каже...

  Следејќи го својот пријател Хастингс во Ирак на археолошки ископини, Херкуле Поирот ќе добие неочекувана задача: да го открие убиецот на госпоѓа Леиднер сопруга на познатиот археолог д-р Леиднер. Жртвата добивала заканувачки писма кои го носеле потписот на нејзиниот прв маж, кој настрадал во несреќа на патнички воз.
  Дали можеби тој ја преживеал несреќата? Дали можеби неговиот помлад брат се одмаздувал во негово име? Дали госпоѓата Здонсон сакала да ги затскрие трагите за да има љубов со својот шеф?

  ... Во овој роман читателот ќе најде загадочност, чувства и пресврти. Меѓу другото, ќе се сретне со еден учен маскар, со шеик чие име е Франсис, со грузиска милосница, со патријархот кого го демнее смртта, скриена во куршумот на пушката на англискиот конзул, и со една жена, Ламија, која ја носи својата убост како крст. А пред се, со момчето чија коса веќе побелела и кое ќе стане, случајно или судбински, јунак на една чудна легенда. Силата на Таниос е, најпосле, роман на приклученија и на верност. Во него се слуша шумот на оваа судбина што "се вовира и се провира низ нас, како игла на крпачот низ парчето кожа што го шие"...

  Оваа збирка раскази содржи дванаесет мајсторски напишани приказни кои зборуваат за животот на луѓето од Латинска Америка во Европа. Мешајќи ги егзилот, чувството на загуба и комичните ситуации, Маркес создава еден специфичен амалгам на меланхолија, тврдоглавост, тага и надеж, доловен преку лирската емотивна нота на раскажувањето и невообичаените магични заплети.

  Сместен во Лондон за време на Втората светска војна, романот на Греам Грин го испитува тројниот судир на љубовта, онаа кон самиот себе, кон другиот и љубовта кон Бога. Врската која е во прашање го вклучува Морис Бендрикс, крајно субјективен новелист, и Сара Мајлс, покорна мажена жена. Љубовниците се среќаваат на забава што ја организира сопругот на Сара, од каде почнува нивното заемно ослободување од досадата и секојдневното незадоволство. Сеќавајќи се на почетоците на нивната романса, Бендрикс вели: "Во тие денови никогаш не се постави прашањето кој кого сака-ние бевме заедно во страста". Врската се одвива неколку години без пречки, се до едно попладне кога Бендрикс ќе стане жртва на проектил кој ќе удри во неговата куќа. Сара брза да го најде, и го наоѓа легнат под една падната врата. Во тој момент таа склучува договор со Бога, ветување што го менува текот на нивната љубов.

  Роман кој врие од страст и екстравагантни описи. Гласот на нараторот е крајно оригинален и искрен, а приказната е навистина емотивна, но не ја преминува границата на сентименталноста. Ликовите ги сочинуваат шармантни и бунтовно настроени ексцентрици, хедонисти, наивци, љубовници, мафиози, производители на сирење, одгледувачи на маслинки, градинари и сите видови кувари. Главната хероина е сензуална, женствена, силна и независна. Во некои работи слично на романот како вода за чоколада, ова дело ги слави љубовта, семејството, телото и храната. Исто како и добар појадок и тоа кај читателот предизвикува чувство на топлина, задоволство и внатрешна хармонија.

  Со изворедна вештина. Лили Кинг постигнува напнат развој на приказната и спонтан пристап кон прашањата на бракот, мајчинството и семејството. Животот на една самохрана мајка и нејзиниот петнаесетгодишен син на патот кон вистината, која долго ја крие, доаѓа до пресвртна точка-до моментот кога тие двајца ќе се соочат со предизвикот-дали ќе можат да создадат комплетно семејство или се осудени никогаш да не успеат во тоа.

  И така, седев во центарот на својот град, кој и самиот седеше на дното на еден издолжен остров, опкружен со луѓето кои ги сакам, среќен и тажен во исто време. мислев на збрката во која досега живееев и сфатив дека не мора секогаш да биде така.
  Ова е роман за растењето на едно момче. Во Англија, во едно лондонско предградие, а потоа и во самиот град, Се преплетуваат две приказни, романот се чита на две нивоа.
  Прво читање: билдингс роман, роман за страдањата и страстите на животот и растењето, на болките кои го следат секој чекор од процесот да се биде голем.
  Второ читање: критика на постколонијалниот свет, на светот кој не дозволува мешање на боите, туку бара униформност и еднобразност. Слика на општеството кое живее од предрасудите и грижливо ги негува. Од општеството кое не ја прифаќа другоста, каде другиот е субалтерен и туѓ.

  Пред да заврши во затвор, Џоел Бекмен бил многу моќен човек, познат како Брокер, човек што можел да ја отвори секоја врата во Вашингтон. Излегувајќи на слобода по шест години, се среќава со претседателот што заминува, човек кој ги минува своите последни минути во Таркалезната соба. Она што не го знае никој е дека проблемите на претстедателот ќе започнат дури откако ЦИА ќе изврши неверојатен притисок врз него. Џоел Бекмен добива нов идентитет и заминува во Италија, во Болоња. Следејќи што се случува со овој лик во Болоња, читателот го запознава до детали овој сликовит италијански град и не може да се ослободи од впечатокот дека тргнал заедно со писателот на возбудлив викенд во Италија.

  Ако со одушевување му пристапите на ефикасното зборување, ќе видите како исчезнуваат пречките на вашиот пат. Прифатете го предизвикот сите свои способности и можности да ги концентрирате на целта за успешно комуницирање во општеството. Мислете на самодовербата, на сигурноста што ќе ја добиете, на чувството дека сте господар на ситуацијата. Ќе открите дека способноста за изразување поттикнува и други способности и води до самодоверба во сите области од животот и работата.

  Владетелот претставува правно-политичко дело, реалистично согледување на настаните од сопственото време. Макијавели создал лик на дипломат и политичар со цврста рака, итар и подготвен на се за да остане во играта полна со лаги и измами. Идниот спасител и владетел мора да ги има особините на Чезаре Борџија - моќен,  храбар и вешт на бојното поле, ефикасен и итар политичар.

  На секој читател на оваа книга му е јасно дека влегол во ринг со вистински професионалец. Тул знае се за боксот при што ја импонира неговата безусловна понесеност од боксот и животната филозофија што ја донесува занимавањето со овој спорт. Неговата реалност е понекогаш тажна и груба, но проблеснува во текот на борбата, кога неговите јунаци ќе се најдат под светлото на рефлекторите, во рингот, лице во лице со противникот. Секојдневието на боксерот и на неговиот тренер не е гламурозно, а таа страна на приказните никој не ја знае подобро од самиот автор Ф.Х. ТУЛ.

  Приказната за Дон Вито Корлеоне, главата на њујоршкото мафијашко семејство, ги инспирираше трите најдобри филмови на сите времиња и ги постави темелите на сосема новиот литературен жарн. Романот изобилува со незаборавни ликови кои и покрај невообичаениот начин на живеење што го водат внатре во познатите семејства ги доживуваат сите подеми и падови кои се неизбежни за секого од нас.

  Кум е модерна класика која ниту денес нема изгубено од својата свежина и актуелност, и уште еднаш докажува дека ни најдобриот филм не може да ја надмине книгата според која е снимен.

  Книгата "Цената на едно дете" e голема дескрипција на страдањата и искористувањата на децата, на нивните судбини, трогателна сторија за илјадниците проститутки во Банког. Но, книгата е и голем етички расказ за разбирањето што го имаат Бот и Мари и другите членови на нивниот тим за трагичните судбини и патилата на најмалите проститутки од 8 години, на нивните напори да ги спасат тие страдалници, на помошта што ја добиваат од разни страни - како и криминалниот дух на нивните експлоататори, на уништувачите на детството, здравјето, душата и иднината на тие деца. Тие се тепани и силувани, горени и потресувани. Тие се мразени, бидејќи односот спрема нив не е љубов, туку најмизерна злоба од непријателство, користољубие и мизантропија. Осумдесет отсто од нив носат траги од насилство, една четвртина се заразени со сида. Станува збор за пекол, како точно го нарекоа овие добротворни и храбри автори Бот и Мари.

  Хелен Гарли Браун го дава клучот за светот на мажите:
- Како да се облекуваме - стилски, но и за задоволство на машкото око
- Како да го избираме парфемот и каде да го ставаме
- Како да ги импресионираме и маѓепсуваме мажите што имаат власт, пари и слава
- Како да уживаме во службената романса без чувство на гризење на совеста и вина
  Искрена и провокативна, Хелен Браун уште еднаш ќе ги разниша основите на вашиот морал и ќе ве натера да се ококорите од вчудоневиденост со своите раскази за интригите, додворувањата, врските и подмолните планови, што се виорат во секој - точно пред носот на шефот(ако не и во неговиот кабинет).

  Во 1945 фод, селани од Горен Египет откиваат ракописи на папирус замотани во кожени корици. Тоа се тајните книги на гностиците. По откривањето на ракописите од Мртво море, ова е второто откритие што може од корен да го промении општо прифатеното учење за почетокот и суштината на христијанството.

  Лавиринт е извореден трилер, во кој преовладува духот на два различни периоди во историјата, средновековната и модерна Франција. Во него се поврзуваат судбините на две жени, родени во различни векови.

  Јули 2005. Алаис, волонтер на археолошко наоѓалиште на Пиринеите во близина на градот Каркасона, еден ден случајно наидува  на пештера и доаѓа до неверојатно откритие - два човечки скелети, мистериозни натписи по ѕидовите, и шема на лавиринт помеѓу скелетите, прстен од камен и мала кожна торбичка. Откритието и буди визии за минатото и ја вплеткува во опасна игра против оние кои сакаат да ја зачуват мистеријата само за себе.

  Полн со изненадувања, ироничен и забавен, овој роман претставува волшебно патување под циркускиот шатор и во срцето на јунаците. Тие остануваат живи во свеста на читателот долго време откако ќе ја прочита и последната страница, а светот создаден во него е толку реален што го чувствувате неговиот здив.
  Иако Џејкоб Јанковски не зборува за спомените, тие се уште живи во него. Спомените од младоста, кога каприцот на судбината го однел во клопотливиот воз на Најспектакуларната циркуска претстава на светот на браќата Бензини. Спомените за светот на чудаците и клоновите, болката, бесот, љубовта и страста, свет со свои тесни ирационални правила, со свој начин на живеење и со свој начин на умирање. Светот на циркусот за него бил и спасение и земски пекол.

  Пустата плажа станува сведок на една трагедија. Млада девојка има жежок секс пред вклучена камера. Одеднаш небото поцрвенува и се слуша страшна експлозија. Девојката бега со камерата и за миг ја избегнува полициската кола што заринкува во песокот на плажата.
  Пет години подоцна...
  Причината за катастрофата на ЛЕТОТ 800 е механичка грешка. Вака стои во официјалните извештаи од истрагата на ФБИ, специјалните антитерористички единици и локалната полиција. Но... Само за Џон Кори и Кејт Мејфилд, членови на антитерористичкиот одред, случајот не е затворен. Верувајќи дека вистината се прикрива, без да се потчинат на заповедите, тие повотрно не нурнуваат во планината доказен материјал, со само една цел - да го најдат најважниот и најавтентичниот доказ, доказот од девојката на плажата, снимка што ги покажува последните мигови на соборениот авион.

  Бека Метлок е во самиот зенит од својата професионална кариера: работи како пишувач на говори за популарниот гувернер на државата Њујорк. Животот и е исполнет со среќа и радост. Но еден ден добива заканувачки повик: "Доколку не престанеш да го делиш креветот со гувернерот ќе те убијам". Иако Бака не спие со гувернерот, заканувањата продолжуваат. Повеќе ниту полицијата не и верува, дури ни кога човекот што ја прогонува ќе убие недолжна жена, за да покаже и дека заканите се сериозни. Кога гувернерот ќе биде прострелан во вартот, Метлок бега на брегот Мејн, криејќи се не само од својот гонител, туку и од властите. Се сокрива во местото Риптајд, место каде што живее нејзиниот пријател од колеџот... и место каде набрзо ќе се доведе и изложи на уште поголема опасност...

 Роман кој врие од страст и екстравагантни описи. Гласот на нараторот е крајно оригинален и искрен, а приказната е навистина емотивна, но не ја преминува границата на сентименталноста. Ликовите ги сочинуваат шармантни и бунтовно настроени ексцентрици, хедонисти, наивци, љубовници, мафиози, производители на сирење, одгледувачи на маслинки, градинари и сите видови кувари. Главната хероина е сензуална, женствена, силна и независна. Во некои работи слично на романот Како вода за чоколада, ова дело ги слави љубовта, семејството, телото и храната. Исто како и добар појадок и тоа кај читателот предизвикува чувство на топлина, задоволство и внатрешна хармонија.